ESKOLARREN ZONALDEKO LASTERKETA - Aloña Mendi Kirol Elkartea

Gaur denboraldiko lehen eskolarteko txirrindularitza lasterketa izan dugu, eta benetan egun berezia izan da.

Lehen aldiz lehiatu diren neska-mutil batzuk ere izan dira, eta guztiek erakutsi duten jarrera, ilusioa eta ausardia benetan bikaina izan da. Emaitzak garrantzitsuak dira, baina gaur gehien baloratzen duguna egin duten ahalegina eta erakutsi duten konpromisoa da.

Gainera, eguraldia oso gogorra izan da; euria barra-barra egin du. Hala ere, bereziki harritu gaitu animatzera hurbildu den jende kopuruak. Aurreko urteekin alderatuta publiko gehiago egon dela iruditu zaigu. Agian txirrindularitzarekiko zaletasuna hazten ari da, edo agian gure neska-mutilak beraiek ari dira kirol honen publizitate onena egiten.

Aipatzekoa da ere lasterketa iragartzeko kartelak beraiek jarri zituztela, eta ikusitako erantzunarekin argi daukagu egindako lanak merezi izan duela. Arrakasta hau kontuan hartuko dugu hurrengo lasterketetarako ere.

Eta albiste bikaina ere bai: ez da erorikorik izan, eta hori da benetan garrantzitsuena.

Eskerrik asko txirrindulari guztiei, gaur erakutsitako jarreragatik, eta baita familiei eta zaleei ere, eguraldi txarra gorabehera bertan egoteagatik.

Hau hasi besterik ez da egin… aurrera! 🚴‍♀️🚴‍♂️ 🚴‍♂️👏

ESKOLARREN TXIRRINDULARITZA LASTERKETA 2026

SAILKAPENAK:

ALEBINAK MUTILAK:

1- JULEN ZUNZUNEGI ALBERDI ( PEÑA ELORZA )

2- IKER BARRUETA ZUBIAURRE ( ELGOIBARKO LAGUN TALDEA )

3- OÑATZ USANDIZAGA ( PEÑA ELORZA )

ALOÑA-MENDIKO LEHENA: EÑAUT LIZARRALDE IÑURRATEGI ( BIZIPOZ )

ALEBIN NESKAK:

1- KATTALIN URZELAI UGARTE ( BIZIPOZ )

2- MADDI AGIRRETXE AIALA ( DORLETAKO AMA )

ALOÑA-MENDIKO LEHENA: KATTALIN URZELAI UGARTE ( BIZIPOZ )